SuperDizionari

Tu âs cirût la peraule

stringere la gola

bilengâl

stringere la gola

ingropâ v.tr.
(in-gro-pâ)

Zirâ e strenzi une o plui cuardis, o fîi o altri, in maniere che a restin leadis

esemplis

"Rosute e veve za ingropât sot il barbuç il façolet a rosis"

gjavât fûr di "La aghe da pît la cleve" di Dino Virgili

"al ingrope il cjaveç insom vie dal argagn"

gjavât fûr di "Par colpe di un massalâr carulât" di Osiride Secco dai Juris

ingropâ v.tr.
(in-gro-pâ)

Fâ che alc al formi grops, gredeis intor di se stes o intor di alc

sinonims

imberdeâ, berdeâ, ingredeâ, gredeâ, imbroiâ

esemplis

"tu âs ingropât dut il spali, sturnel, cjale ce che tu âs cumbinât"

gjavât fûr di "La salamandrie tal fûc" di Carlo Tolazzi

"e scjasse i cjavei, lustris come il svolâ dal mierli, ancje se riçots di ingropâ cualsisei pietin"

gjavât fûr di "B123ST" di Raffaele Serafini

ingropâ v.tr.
(in-gro-pâ)

Fâ che alc al deventi plui complicât, che al fasi fadie a lâ indevant, a funzionâ e v.i. (fig.)

sinonims

incrosâ, ingredeâ, imberdeâ, imbroiâ, intrigâ, gredeâ, berdeâ, complicâ

esemplis

"baste pensâ al probleme des barieris architetonichis che al ingrope la vite di ogni dì par chei che e àn cualchi probleme a movisi"

gjavât fûr di "Presentazion Strolic furlan 2012" di Bruno Pizzul

ingropâ v.tr.
(in-gro-pâ)

Fâ vignî comozion, emozion che e pues fâ vaî (fig.)

sinonims

comovi, dulinciâ, indulinciâ, ingusî, scossâ

esemplis

"e ven fûr in dute la sô penzece, la sô vicende umane, scuasi une autoanalisi, che e ingrope pe scletece di ciertis confessions"

gjavât fûr di "Antoni Beline, La fabriche dai predis, Zirà 1999" di Laurin Zuan Nardin

"mi à fat un discors che mi à fintremai ingropât il cûr"

gjavât fûr di "Lis predicjis dal muini" di Josef Marchet

torne sù